|
Mogadishu- 26-June-2007- Somchess.com Kooxda Telcom Somalia
ee xiriirka Shatarnajiga Soomaaliyeed u matalaysa tartamada naadiyada
carabta ee Shatarnajiga oo maanta la cayaaray naadiyo ka dhisan
dalalka Siiriya iyo Urdun.
kooxda Telecom Somalia ee u matalaysa xiriirka Shatarnajiga Soomaaliyeed
tartanka naadiyada Shatarnajiyada dalalka carabta ee ka soconaya
magaalada Khartum ee xarunta dalka Sudan ayaa maanta guuldaro kasoo
hoyey labadii kulan ee ay ciyaareen ayadoo tartanku maanta uu galay
maalintiisii labaad.
 |
| Kooxda
xiriirka Shataranjiga Somalia oo tartamo kula jira kooxo ka
kala socda dalalka Syria iyo Urdun |
 |
| Guddoomiyaha xiriirka
Somaliyeed ee Shataraniga Axmed Cabdi Xasan Wataac oo horkacaya
kooxda xiriirka Somaliyeed ee shataranjiga ee ciyaaraha kaga
qeybgalaya dalka Sudan |
Labada cayaarood
ee naadiga shatarnajiga Telecom Somalia uu maanta cayaaray ayaa
waxa uu la dheelay labo naadi oo ka dhisan dalalka Urdun iyo Siiriya
,cayaartii 1aad ayaa ku dhamaatay 3-1 halka cayaartii 2-aad ay kusoo
idlaatay 4-0.
Cayaaryahanada matalaya xulka shatarnajiga Soomaaliyeed ayaa muujinaya
niyad wanaag iyo in guul wax ku ool ah ay kasoo hoyn doonaan cayaaraha
kale ee ay qaadan doonaan ayagoo ka halqabsanaya cayaar waa gelin
danbe.
 |
 |
| Kooxaha
xiriirada shataranjiga Somalia iyo Suuriya |
Gudoomiyaha
xiriirka Shatarnajiga Soomaaliyeed Axmed Cabdi Xasan (Wataac) ayaa
shabakadan mar ay wax ka waydiisay cayaarihiii maanta waxa uu sheegay
in uu ku kalsoonyahay cayaaryahanadiisa isla markaana cayaaraha
soo socda natiijooyin wax ku ool ah ay rajaynayaan , waxa uuna tilmaamay
in guuldaradii maanta ay tahay mid aysan filanaynin .
Gudooomiyaha
xiriirka Shatarnajiga (Ches) Soomaaliyeed waxa uu tilmaamay in dhiiro
gelin ballaaran ay kala kulmayaan dhalinta Soomaaliyeed ee ku sugan
dalkan Sudan isagoo muujiyey in aysan ka niyad jabin cayaarta waxa
uuna balan qaaday in cayaartooydaan ay guulo la taaban karo usoo
hoyn doonaan shacabka Soomaaliyeed.
 |
 |
| Ciyaartooy
ka mid ah xiriirka Somaliyeed ee Shataranjiga oo la ciyaaraha
kooxo ka kala socda dalalka Syria iyo Urdun |
Muxsin Maxamed
oo ka mid ah cayaartoyda qaranka Soomaaliyeed u matalaysa tartankaan
ayaa sheegay in rajadooda ay wanaagsantahay isla markaana maalmaha
soo socda ay wax iska badali doonaan natiijooyinka waxa uuna ku
tilmaamay guuldaradii maanta mid si lama filaan ah ku timid .
Dhalinyaro fara
badan oo Soomaali ah ayaa soo xaadirtay maanta goobta uu ka socda
kulanka ayagoo dhiiro gelinaya cayaartoydooda waxaana dhalinyarada
Soomaaliyeed ay ka codsadeen cayaartoyda in aysan ka niyad jabin
cayaaraha maadaama maanta ay tahay maalintii labaad ee tartanka
,kooxduna ay u harsantahay illaa 7cayaarood.
Wixii warar
ah ee kusoo kordha cayaarahan kala soco fadlan shabakadan.
Somali Chess Federation, Somalia
Feedback:- info@somchess.com
|
